Larunbatean malekoia itxi eta beste hainbat neurri hartu zituzten Zarautzen, baina horiek, kostaldeko gainerako lekuetan bezala, ez dira nahikoak izan, eta kalteak espero baino handiagoak izan dira jatetxe, taberna eta itsasotik gertu dauden baxuetan. Tonaka lokatz atera dute dagoeneko garbitzaileek, eta harri, adar, plastiko eta zabor ugari aterazeko dago oraindik.
Zarautz eta Zumaia lotzen dituen N-634 errepidea ere itxi behar izan dute. Arratsaldean irekiko dutela iragarri dute. Oraindik ez dute zehaztu zenbateko kalteak eragin dituen itsasoak.
