Atzo Mallabian (Bizkaia) 68 urteko gizon bat hiltzea leporatuta atxilotu zuten emakumeak atxilotuta jarraitzen du, epailearen aurrera eramateko zain. Hala jakinarazi dio Ertzaintzak Europa Press berri agentziari.
68 urteko gizon bat hiltzea leporatzen diote, eta Poliziak jakinarazi duenaren arabera, atxilotutako emakumeak eta hildakoak elkar ezagutzen zuten. Ikerketa irekita dagoela jakinarazi zuen atzo Ertzaintzak, eta Barakaldoko (Bizkaia) etxebizitza bat arakatu zuten, auzi beraren barruan.
Martxoaren 9an antzeman zuten gizonaren gorpua, haren auto barruan, bizilagun baten deia jaso ondoren. Labankadak zituen lepoan eta bularrean, eta hasiera batean lapurreta baten ondorioa izan zitekeela esan zuen Ertzaintzak, baina ez zuen ikerketa ildorik baztertu. 68 urteko gizona Mallabiko Osma auzoko etxe batean bizi zen arren, Ermuan egiten zuen eguneroko bizitza.
