Feministak ez dira Martxoaren 8an karrikara jautsiko diren bakarrak. Homosexualei ezkontza eskubidea ematearen kontra sortu zen Manif Pour Tous kolektiboak Aillet apezpikuari babesa ematera joateko dei egin du. PAF, Emazteenganako Bortizkeria Sexisten Kontrako Kolektibo Feminista, EHZ, Planning Familial eta Les Bascos elkartea buru, integrismo katolikoaren kontrako martxa deitua dute bihar, 18:30ean, Espainiako karrikatik apezpiku etxera. Gora emazteen borroka lelopean, Aillet apezpikuak azkenaldian izan dituen adierazpenak salatzea dute xede.
Ohar batean, Manif Pour Tous kolektiboak Aillet apezpikuari sostengua erakustera dei egin du, “bere adierazpen ausartengatik, erregularki hedabideek eta talde batzuek erregularki erasotzen baitute. Jean Michel Irachet Frente Nazionaleko departamenduko buruak ere dei egin die “patriota” guziei, mobilizazioan presente izan daitezen.
