Mexikoko Polizia Federalak gizonezko bat atxilotu du, Maria Villarren bahiketan eta hilketan zerikusia izan zuelakoan. Getxoztarra joan den irailaren 13an bahitu zuten Mexiko hiriko Santa Fe barrrutian, eta bi egun geroago agertu zen haren gorpua Santiago Tianguistenco herrian, erreka bazter batean.
Komunikabideek eman dute atxiloketaren berri, iturri ofizialak aipatuz. Dena den, Poliziak berak ez du zehaztu non eta noiz atzeman duten ustezko erasotzailea.
Santa Fe hirian ikusi zuten azkeneko aldiz Villar, hilaren 13an, IBMren bulegoaren atarian —han egiten zuen lan—. Hurrengo egunean bahitzaileek diru kopuru bat eskatu zioten familiari, eta azken honek ordaindu egin zuen. Poliziari gertatzen ari zenaren berri eman zion familiak, hilaren 15ean, eta egun horretan bertan agertu zen gorpua.
