Maroko garbiketa etnikoa egiten ari dela salatu du Fronte Polisarioak

Fronte Polisarioko ordezkari Bucharaia Beiunek esan duenez, Maroko garbiketa etnikoa ari da egiten Aaiunen. Horregatik, nazioarteak ezer egiten ez badu, sahararrek edozer gauza egiteko prest daudela esan du, gerra barne. Marokoren jokaerak 1991ko su-etenaren haustura dela esan du, eta hemeretzi urtetan ez direla gerratik orai bezain gertu egon.

"Hiria armadak eta poliziak hartuta dago. Etxez etxe doaz, eta ehundaka atxilotu daude, batez ere gazteak", esan du. Gainera, kalean jendea jarraitzen dutela adierazi du. "Oraingoz 19 hildako daudela esan dezakegu, baina ez daukagu ospitaletara eta hobi komunak ikustera joateko aukerarik".