Eusko Jaurlaritzak eta Errioxako Gobernuak Arabako Errioxako gaixoak artatzearen inguruko akordioa martxoaren 28ra arte luzatzea erabaki dute gaur. Datozen egunetan sinatuko dute hitzarmena.
Julian Perez Gil Osakidetzako zuzendaria eta Javier Aparicio Errioxako osasun zerbitzuko zuzendaria gaur bildu dira Gasteizen, eta bi aldeek onartu dute aurrerapenak izan direla negoziazioetan.
Asteazkenean amaitu zen bien artean egindako akordioa; abenduaren 7tik zegoen abian.
Gobernuen arteko itunak ohikoak dira osasun arloan, baina Errioxan Arabako eta Nafarroako gaixoak ez artatzeko erabakiak auzitan jarri ditu harreman horiek.
