Prest da. Gaztetxe Martxa hilaren 21ean abiatuko da Mauletik, eta maiatzaren 7an ailegatuko da Iruñera. Euskal Herriko gaztetxeek eta gazte taldeek antolatu dute, Pausoz pauso autogestioari ateak zabaltzen lelopean. Asmoa da okupazioaren aldeko aldarria zabaltzea. Horretarako eginen dute martxa, oinez, bizikletaz eta traktorez, besteak beste. Gaztetxez gaztetxe eginen dute bidea. Herri okupatuak, halaber, helmuga berezi izanen dira Gaztetxe Martxaren ibilbidean. Antolatzaileek hamaika ekitaldi prestatu dituzte:antzerki emanaldiak, kontzertuak, elkarretaratzeak, bazkariak, hitzaldiak eta abar. Herritik herrira, martxaren lekukoa eramanen dute parte-hartzaileek. Egurrezko giltza bat izanen da okupazioaren ikur ibilbide osoan.
Maulen hasiko da hilaren 21ean Gaztetxe Martxa
Iruzkinak
Ez dago iruzkinik
Ordenatu
