Handituz doa Ipar Euskal Herriko elkargo bakarraren alde egin duten herrrien zerrenda. Baiezkoa ematen azkena Maule izan da. Aldeko hamabost boto, kontrako bost eta hiru abstentzio jaso zituen proposamenak. Hala, azken horrekin, 81.456 biztanle ordezkatzen dituzte baiezkoa bozkatu duten herriek —biztanlego osoaren erdia ordezkatu behar dute alde bozkatzen duten herriek elkargoa indarrean sar dadin—.
Maule izan da Helep-aren alde bozkatu duen Zuberoako lehen herria. Maulek ez ezik, bozkatu dute Senperek, Hendaiak, Hiriburuk, Baionak, Sarak eta Behorlegik.
