Medikuen hutsegiteengatik 634 salaketa bildu zituen iaz Hutsegite Medikoengatik Kaltetutakoen Defentsarako Espainiako Elkarteak. Gaur zabaldu ditu datuak, eta ohartarazi du murrizketen ondorioz kaskartzen ari dela osasun zerbitzuetako kalitatea. Ondorioz, elkarteak salatu du handiagoa dela hutsegiteak izateko arriskua. Nolanahi ere, Hego Euskal Herrian 2011n baino salaketa gutxiago izan ziren iaz: 692 salaketa batu zituzten 2011n, eta 634 2012an. Hala ere, orain bi urte baino handiagoa da kopurua; 2010ean 612 ziren salaketak.
Adituen arabera, jendeak nekez jartzen du salaketa ospitaleetako hutsegiteengatik, eta gutxitan lortzen dute kalte-ordaina.
