Azkoiengo Juan Bautista Irurtzun ikastetxeko ikaslea da haurra, Nafarroako Gobernuak ohar batean jakinarazi duenez. B motako meningitisa antzeman diote, eta haren ingurukoei badaezpadako tratamendua ezarri diete.
Berrehun bat umek ikasten dute eskola horretan haur hezkuntzan, eta gurasoekin bilera egin dute Osasunbideko bi sendagilek, gaitzari buruzko informazioa emateko. Foru gobernuak nabarmendu du eskolako jarduerak normaltasunez mantenduko direla eta ez dela beharrezkoa aparteko garbitasun neurririk hartzea.
