Errenteriako (Gipuzkoa) Niessen merkataritza gunean sutea izan da goizaldean, eta kalteak eragin ditu.
Herrizaingo Sailak jakinarazi duenez, sutea 3:00ak aldera hasi bide da, merkataritza gunearen barruko patioan. Suteak inguru hori kaltetu du, eta baita fatxada belztu ere. Dena den, ez du kalte larririk eragin.
Suhiltzaileak 7:00ak arte egon dira bertan, guztia kontrolpean izan arte.
