Andoaingo Aita Larramendi ikastolak gaur zabaldu du Kilometroak jairako prestatu duen 6.741 metroko zirkuitua. Haien webgunearen bitartez, jaiari babesa adieraziko dion "metro bat" egiteko aukera du nahi duen orok. Bisitariek egindako metro bakoitzeko, babesleek dirua jarriko dute Kilometroak festaren alde.
Iaz Azpeitian ekimen bera jarri zituen martxan, Klikmetroak ekimenaren bidez. Aurten, berrikuntza gisa, Android motako smartphone eta tablet-en bidez ere eman dakioke bultzada festari.
Antolatzaileek gaur goizean azaldu dute erronka 6.741 metroko zirkuituari bi bira ematea dela, eta metro horiek guztiak babestuko dituzten laguntzaileak aurkitzea.
Babesle nagusia Gipuzkoako Foru Aldundia da, eta erakunde horren izenean Zigor Etxeburua euskara zuzendariak egin du lehenengo metroa.
Urriaren 7an izango da festa; On Egin leloa hautatu dute aurtengorako.
