Atentatua Yemenen
Mikel Essery eta Magie Alvarez dira Yemenen hildako euskal herritarrak
Mikel Essery 54 urteko donostiarra eta Magie Alvarez 24 urteko zarauztarra dira atzo Yemengo atentatuan hildako bi euskal herritarrak. Horiekin batera bidaian ziren Eva Maria de Mena, Estibaliz Diez del Rio eta Begoña Larrabeiti bizkaitarrak eta Asun Vitorica Arbaiza arabarra zauriturik daude. Azken honek zauri handi bat du buruan, eta lagundutako arnasketa jarri diote.
Guztira hamar lagun hil ziren atzo Yemenen Saba Erreginaren Tenplutik gertu, Marib hirian, izaniko atentatu suizidan. Haietako zazpi turistak ziren, Banoa Bilboko bidai agentziarekin joandakoak. Euskal Herriko sei lagunek eta Kataluniako zazpik osatzen zuten turista taldea. Hildakoetako bat Mikel Essery Banoa bidaia agentziaren sortzailea da. Kataluniakoak ziren atentatuan zendutako Maria Isabel Arranz Bocos, Gabriel Tortosa Ortega, Antonio Pomes Tallo eta Marta Borrell Puig. Maria Teresa Perez Ubago ere Katalunian bizi zen, Bartzelonan. Sortzen Espainiakoa zen. Espainiako Gobernuak bi hegazkin bidali ditu Yemenera gorpuen bila, eta Generalitateko nahiz Eusko Jaurlaritzako ordezkaritza bana joango da haiekin.
Iruzkinak
Ez dago iruzkinik
Ordenatu
