Fleury-Merogisko espetxean (Frantzia) zegoen preso, eta bart gauean utzi dute libre, baldintzapean. Baionan izan beharko du bizilekua. 13:30 aldera heldu da Euskal Herrira, eta harrera egin diote Baionako tren geltokian.
Irastorzak 42 urte ditu, eta donostiarra da. Duela urte batzuk, Nazio Eztabaidaguneko ordezkari izan zen. Atxiloketaren ostean polizia iturriek zabaldu zuten informazioaren arabera, 2008tik zegoen ihes eginda. 2015eko irailean Baigorriko etxe batean David Pla eta Iratxe Sorzabal atxilotu ondotik, ETAko buruzagi "nagusitzat" zeukaten.
Irastorza iazko azaroan atzeman zuten, hura zegoen etxearen bi jabeekin batera. Kargupean aske utzi zituzten bi etxejabeak.
