Motor gidari bat hil da Eugin, pendiz batean behera erorita

Bost metroko sakan batean behera motoarekin amilduta hil zen atzo iluntzean Carlos Perez Igea, 31 urteko Artikako (Nafarroa) bizilaguna. 20:30 inguruan gertatu zen istripua, N-138 errepideko 14. kilometroan, Eugiko lurretan. Lagun batek deitu zuen Sos Nafarroara, eta anbulantzia medikalizatu bat eta suhiltzaileek parte hartu dute salbamenduan. Amildegia sakona eta malkartasua zenez, lanak izan zituzten gaztearengana iritsi eta jasotzeko. Anbulantziraino bizirik eraman zuten, baina Nafarroako Ospitalera zeramatela hil egin zen.