Motorrarekin txakur bat jota, gizon bat hil da

HERNANI. Errepide istripu batean 47 urteko motorzale bat hil da Hernanin (Gipuzkoa). Ezbeharra Antziola auzoan gertatu zen, atzo, 07:00etan. Eusko Jaurlaritzako HerrizaingoSailak jakinarazi duenez, bidera irten zen txakur bat jo zuen motorrak, eta, kolpearen ondorioz, errepidetik atera zen. Gidaria hiru metroko amildegi batean behera erori zen. Ertzaintzak lekukoak eskatu ditu zer gertatu zen argitu ahal izateko.