Gobernuz kanpoko erakundeak ohartarazi du hiru orduko epean artatu zituztela guztiak Siriako hiriburuko hiru erietxetan, eta horietatik 355 hil zirela.
Herrialdeko oposizioak asteazkenean salatu zuen arma kimikoekin eraso egin zuela Baxar al Assaden erregimenak, baina eraso hori egin izana ukatu zuen berehala Siriako Gobernuak.
Gaur jakinarazi du datua erakundeak. "Mugarik Gabeko Medikuei informazio zehatza eman zieten erietxe horietako sendagileek sitoma neurotoxikoak zituzten gaixoen inguruan", esan du erakundeak. Besteak beste, arnasa hartzeko zailtasunak, ikusmen lausoa eta espasmoak zituzten artatutakoek, Bart Janssens erakundeko operazio zuzendariak jakinarazi duenez.
