Mugetako erien auziaz kexatu da Bengoa Madrilen

MADRIL. Espainiako Osasun ministroak eta erkidegoetako Osasun kontseilariek atzo Madrilen egindako bileran, bi erkidegoren arteko mugan bizi diren erien auzirako «konponbide nazional bat» eskatu zuen Rafael Bengoa Eusko Jaurlaritzako Osasun sailburuak. Bularretako PIP protesiak kentzeko protokoloa ere onartu zuten bileran, baita osasun txartela nahiz haurren txertoetarako egutegi bakarra ezartzea ere.