Hiru zientzialarik batera jasoko dute aurten Kimikako Nobel saria. Hiru herrialdetakoak dira; frantziarra Jean-Pierre Sauvage, Ameriketako Estatu Batuetakoa J.Fraser Stoddart eta Herbehereetakoa Bernard L. Feringa. "Munduko makinarik txikienak garatu dituzte". Lerroburu horrekin nabarmendu dute Suediako Zientzien Errege Akademiako arduradunek hiru ikertzaile horien lanaren garrantzia. Gailu txiki horien bidez kimika "beste dimentsio batera" eraman dutela azaldu dute.
Ikerketa horietan aitzindaria Sauvage izan zela nabarmendu dute; 1983. urtean molekulekin osatutako "kate bat" egin zuen, eta ate berri bat ireki zuen horrela. Ate horretan urrats bat harago eginez, Stoddart izan zen hurrengo bide urratzailea; molekulekin egindako "eraztun bat" egin zuen hark 1991n. 1999an azkenik molekulekin egindako "motor bat" egin zuen.
