Mungia eta Loiu artean tren bat jartzea aztertzeko eskatu dute

BILBO. Bizkaiko Batzar Nagusiek Mungia eta Loiuko aireportuaren artean tren zerbitzu bat jartzeko plangintza egitea galdegin diote Eusko Jaurlaritzari. Alderdi guztiek onartu dute Bilduk egindako proposamena. Eusko Trenbide Sareak egindako ikerketa baten arabera, milioi bat erabiltzailetik gora izango lituzke zerbitzuak. Xedea da ondoren Bilborekin lotzea aireportua.