Mutil bat atxilotu dute, bikotekidea jo duelakoan

GASTEIZ. Gasteizko Udaltzaingoak 23 urteko gazte bat atxilotu du, bikotekideari muturreko bat eman ziolakoan Eguberri egunean. Karlos I.a plazan izan zen erasoa, eta herritar batek ikusi zuen. Eztabaidan ari zirela, mutilak jo egin zuen neska, eta hura lurrera erori zen. Udaltzainak azaldu zirenean, neskak ukatu egin zuen eraso egin ziola, nahiz eta sudurra odoletan izan.