Bilboko udaltzainek 21 urteko mutil bat —J.M.C.— atzeman dute, neska-lagunari buruko bat eman diola egotzita. Bart izan da ustezko erasoa, Olano kalean. Emakumezkoak 18 urte ditu. Esan du ez dela lehen aldia bikotekideak jo duena. Azken gertaeraren unean, bikotearen 3 urteko umea biekin zen.
Gasteizen, atzo arratsaldean beste gizon bat atzeman zuten, kalean bikotekideari eraso egin eta gero. Herritar batzuek ikusi zuten erasoa, eta Poliziari eman zioten abisu. 45 urte ditu atxilotuak, eta aurrekariak ditu genero indarkeriagatik.
