Eusko Jaurlaritzak gaur jakinarazi duenez, Matxitxako lurmuturrean (Bizkaia) urperatuta aurkitu duten itsasontzia Espainiako Gerra garaiko Nabarra boua izan daiteke -irudian, haren marrazki bat-. Jaurlaritzaren beraren untzia zen.
Francoren aldeko Canarias itsasontziak hondoratu zuen Nabarra, 1937an. Bilbora zihoan hau, eta urte hartako martxoaren 5ean izan zuen haren erasoa Bermeo aldean. Hiru orduko borroka izan zuten. Nabarra-n 49 lagun zihoazen eta 30 hil egin ziren.
Gaur topatutako untzia bera den jakiteko, udaberrira arte egon beharko dela adierazi du Jaurlaritzak. Ehun metrora dago urperatuta, bitan zatituta.
'Nabarra' boua izan daitekeen itsasontzia aurkitu dute Matxitxako lurmuturrean, urperatuta
Francoren aldeko untzi batek 1937ko martxoan hondoratu zuen, Espainiako Gerran.
Iruzkinak
Ez dago iruzkinik
Ordenatu
