Nafarroako AHTaren lanak egiteko akordiora iritsi dira

Espainiako Sustapen Ministerioak Ministroen Kontseiluari agiri bat bidali dio sail horren eta Nafarroako Gobernuaren arteko adostasunaren berri emanez eta, agiri horren bidez, abiadura handiko trenaren (AHT) Zaragoza-Castejon-Iruñea zatiko lanak egingo dituzte.

Ministroen Kontseiluaren arabera, AHTa Zaragozatik (Espainia) Iruñera joango da eta etorkizunean Madril-Gasteiz igarobidearekin lotuko da, baita Bizkaiko, Gipuzkoako eta Arabako AHTarekin ere bai.

Akordio horretan Nafarroako AHTaren eraikuntzan izango diren ardurak ere zehaztu dituzte. Hala, Espainiak Zaragozatik Castejonerako (Nafarroa) bidea eraikiko du (78 kilometro) eta Nafarroako Gobernuak Castejon-Iruñea (65 kilometro).