Uholdeak saihesteko neurriak har daitezela eta azken denboralean eragindako kalteen ordainak berehala eman ditzatela. Horiexek gaur eguerdian Ebroko Ur Konfederazioaren egoitza aurrean bildu diren berrehundik gora nekazari eta abeltzainen eskaera nagusiak.
"Iraingarria da nekazari eta abeltzainei egiten ari zaizkiena, jakina zenean ibaia zikina zegoela eta uholde arriskua zegoela", gaitzetsi du Felix Bariainek, UAGN sindikatuko presidenteak, eta gogorarazi du askok oraindik jasotzeke dituztela 2013ko uholdeek eragindako kalteen ordainak.
