Fermin Irigoienek eta Marine Pueyok prentsaurrekoa eman dute gaur Nafarroako ezker abertzalearen izenean eta adierazi dute "aldaketarako formula, Nafarroako sektore ezkertiar eta abertzale guztien arteko artikulazio estrategikoaren mende" dagoela, "epe luzerako akordio baten bidez". Horretarako, hiru lanketa eremu zehaztu dituzte, ikasturte politiko berriaren atarian.
Batetik, "herritar ezkertiar eta abertzaleen iritzia ezagutzea". Bestetik, "aldaketaren inguruko eztabaida mamitzea", hitzaldi eta harremanak izanez euren dinamika indartzeko. Eta azkenik, "eragile politiko, sindikal eta sozialekin akordio bat erdiestea".
Hauteskundeei dagokionez, ezker abertzaleak "NaBairekin politikoki ez duela lehiatu nahi" adierazi du, eta helburua dela "elkarrekin eskuinarekin lehiatu eta Nafarroako Gobernua eskuetatik kentzea".
Politika
Nafarroako ezker abertzalearen ustez, "ezkertiar eta abertzale guztien arteko artikulazioa da aldaketarako formula"
Ikasturte politiko berrirako hiru lan eremu zehaztu ditu. Bat, "herritar ezkertiar eta abertzaleen iritzia ezagutzea". Bi, "aldaketaren inguruko eztabaida mamitzea". Eta hiru, "eragile politiko, sindikal eta sozialekin akordio bat erdiestea".
Iruzkinak
Ez dago iruzkinik
Ordenatu
