Nafarroako Parlamentuak atzera bota du Nafarroan atxilotuak izan direnen tortura lekukotzak argitzeko mozioa. Hala, Nafarroako Fiskaltzak ez ditu lekukotza horiek aztertuko. UPNk, PSNk, CDNk, eta IUNk bozkatu dute mozioaren aurka, eta NaBai izan da alde agertu den bakarra. Nafarroa Baik mozioaren helburua "torturak saihestea" dela azaldu du.
Nafarroan atxilotutako lagunen tortura salaketak Fiskaltzak epaitegietan argitzeko eskatzen zuen NaBaik bultzaturiko ekimenak.
TATek, Amnesty Internationalek eta NBEk torturaren aurkako egindako dekalogoa onartzeko eskatzen zion mozioak Espainiako Gobernuari, baina hori ere atzera bota du parlamentuak. IUNk hamar puntutik zortzi onartu ditu.
