Nafarroako Gobernuak lizentzia gabe utzi du berriro Euskalerria Irratia

Nafarroako Gobernuak eguerdian eman du kontratazio mahaiaren erabakiaren berri. Azterketa berriaren arabaera, Nafarroako Unibertsitateko irratiak 83,34 puntu lortu ditu lehiaketan; duela denbora bat ezintasun ekonomikoagatik itxitako Net21ek 75,79, eta Euskalerria Irratiak 63,31. Hala esan du behintzat Francisco Iribarren Ekonomia sailburuak.

Leihaketa Nafarroako Auzitegi Nagusiaren aginduz errepikatu da. Izan ere, 1998an egindakoan irregulartasunak atzeman zituen, eta bertan behera utzi. Zehazki, Sanz Bareak zenbait alor bere kabuz baloratu zituela agertu zuen auzitegiak, epaimahai kolegiatuaren erabakia aintzat hartu gabe, eta balorazio petsonal horien ondorioz jaso zutela lizentzia Nafarroako Unibertsitateak eta Net 21ek. Aldiz, epaimahai kolegiatuak egindako balorazioaren arabera, Euskalerria Irratiaren zen proiekturik egokiena.

Aipat bezala, auzitegiek behartuta berriro errepikatu dute prozesua, eta berriro ere Nafarroako Gobernuak Sanz Barea jarri du kontratazio mahaiko buru, Nafarroako Auzitegi Nagusiak haren jokabidea espreski gaitzetsi arren. Eta berriro lizentziarik gabe utzi du kontratazio mahaiak Euskalerria Irratia, eta Nafarroako Unibertsitatearen eta Net21en proiektuak hobetsi ditu.

Net21 irratiak otsailean utzi egin zion emititzeari, ezintasun ekonomikoak behartuta. Iribarren kontseilariari hori gogorarazi diotenean esan du aztertu egin behar dela Net21en egoera zein den, eta horrena arabera, lizentzia berriro atera daitekeela leihaketara.

Euskalerria Irratia da Iruñerrian euskaraz egiten duen bakarra.