Carmen Alba Nafarroako Gobernuko ordezkariak adierazi du txostena bidaliko dutela Espainiako Auzitegi Nazionalera, Atarrabiako udaletxean hamabost lagunek Josu Uribetxebarria presoa askatzearen alde asteburuan egin duten itxialdia salatzeko. Gobernuren arabera, txostenak udaletxean preso gaixoaren alde erakutsi ziren pankartarekin du zerikusia.
Pedro Jose Gastearena Atarrabiako alkateak esan du Gobernutik ez diotela ezer esan txostenaren inguruan, eta larri dagoen pertsona baten askatasuna eskatzeagatik polemika sortzeak "harritu" egin du alkatea. Adierazi du aurretik itxialdi gehiago izan direla. Uribetxebarriaren aldeko itxialdian eta baraualdian hamabost lagunek parte hartu dutela esan du; "ez da istilurik izan".
