Nafarroako Gobernuaren jokabidea salatu dute

Nafarroako mendialdeko hedabideek gogor salatu dute foru gobernuak euskarazko hedabideei dirurik eman ez izana. Haien esanetan, egin nahi duen «benetako politika» ezkutatzeko erabili duen aitzakia da krisia. Nabarmendu dute faltsua dela euskarazko hedabideak diru laguntzetatik bizi diren ustea. Hala, argi dute zein den Nafarroako Gobernuaren asmoa: «Ofiziala ez den mezua zabaltzen duten komunikabideak isilarazi nahi dituzte».

Laguntzen dieten pertsonen babesa eskertu, eta euskararen aldeko apustua berretsi dute Nafarroako mendialdeko hedabideek. «Erronkak merezi duelakoan, horretan jarraituko dugu etorkizunean ere».