Edurne Elizondo BERRIAko kazetariak Nafarroako intsumisio mugimenduari eta Itoizko urtegiaren kontrako borrokari buruzko hitzaldi bat eman du Madrilen, Errepresioaren Aurkako Nazioarteko Kongresuan.
Abendu honetan 11 urte bete dira Espainiako armadan derrigorrezko soldadutza desagertu zela, hein handi batean intsumisoen mugimenduari esker. Hego Euskal Herrian hamar mila gaztek esan zioten ezetz armadari. Elizondok iazko urrian Ez dugu nahi. Intsumisioaren ahotsak Euskal Herrian' liburua argitaratu zuen. "Borroka historikoa" izan zela esan zuen aurkezpenean.
Martxelo Otamendi BERRIAko zuzendariak ere eman du hitzaldi bat Madrilgo kongresuan: Egunkaria auziariburuz. Guardia Zibilak, Espainiako Auzitegi Nazionalaren aginduz, 2003an itxi zuen kazeta, eta 2010ean auzitegi berak absoluzio epaia eman zuen. Elizondok bezala, atzo izan zuen hitzaldia Otamendik; gaur mahai inguru batean hartuko du parte.
Atzo ekin zioten kongresuari, eta gaur amaituko da.
