Nafarroako irakasleek bilera dute, mobilizazioak adosteko

Nafarroako bigarren hezkuntzako irakasleek bilera dute gaur eguerdian, La Cruz institutuan, Nafarroako Gobernuak egindako murrizketei nola erantzun erabakitzeko. Sindikatu guztiek dei egin diete maisu-maistrei bileran parte hartzera eta iritzia ematera. Mobilizazioak adosteko egingo dute bilera; mahai gainean dago lanuzteak edo grebak egiteko aukera ere. Jose Iribasek, Nafarroako Hezkuntza kontseilariak, erantzukizunez jokatzeko eskatu die behin eta berriro irakasleei, eta ez egiteko grebarik. Nafarroako institutuetako zuzendariek hilaren 20an erabakiko dute nola erantzun murrizketei; dimisioa ematea dute aztergai. Ipar Euskal Herriko irakasleak grebara deituta daude hilaren 27rako.