UPNren eta PPren botoei esker, Nafarroako Parlamentuko Bozeramaileen Batzordeak baztertu egin du jendea euskara ikastera animatzearen alde Bilduk aurkeztutako adierazpen instituzionalaren proposamena. Bildu ez ezik, NaBai eta Ezkerra proposamenaren alde agertu dira, eta PSN abstenitu egin da.
Idatziak dio "euskararen iraupena bermatu" egingo duela Nafarroako Parlamentuak eta, halaber, "ahal den nafar gehienek euskara ikas dezaten bokazioa eta borondatea" daukala. Bilduren proposamenak jasotzen du legebiltzarrak herritarrak animatu beharko lituzkeela euskaltegietan izena ematera.
