Azaroan aurkeztu zuen Nafarroako Gobernuak hezkuntzan lan eskaintza publikoa egiteko asmoa, eta horretan euskara eskatzeak arrakala sortu zuen gobernua babesten duten alderdien artean.
Gaia Nafarroako Parlamentuko Bozeramaileen Mahaian eta Batzordean izan dute eztabaidagai, UPNk eta PPNk mozioak aurkeztu baitituzte Jose Luis Mendoza hezkuntza kontseilariaren gaitzespena eskatuz. Lan eskaintza publikoan eginiko kudeaketa kritikatu dute, eta Mendoza kargutik kentzeko eskatu du PPNk. Mahaiak onartu du eztabaida tramitera onartzea.
Bestalde, gaur arratsaldean bilduko dira berriz lau alderdiak lan eskaintzari buruz eztabaidatzeko. Ostiralean batzartu ziren, baina ez zuten akordiorik lortu.
