Legez besteko proposamen bateratua erregistratu dute Nafarroako Gobernua sostengatzen duten lau alderdiek Espainiako Diputatuen Kongresuan. EH Bilduk historikotzat jo du, lau indar politikok bat egin dutelako "Nafarroako Parlamentuko erabakien alde".
Ekinbidea erregistratu ondoren Marian Beitialarrangoitia EH Bilduko diputatuak esan duenez, Espainiako Gobernuaren jarrera "onartezina" da: "Nafarroako gehiengo sozial-politikoaren aurka ari da". Halaber, espero du "gaurkoa lehen urratsa izatea euskal herritarren defentsan lau indarren artean izaniko elkarlanean".
