Soilik asteburuan bostehundik gora lagunek bozkatu dute BERRIAren inkesta, eta gehienak, %95 inguru, baiezko erantzun bikoitzaren alde agertu dira. "Nahi duzu Euskal Herria estatu bihurtzea? Euskal Herria estatu independente izatea nahi duzu?", horixek dira bi galderak, eta erantzun posibleak, hiru: bai/bai, bai/ez eta ez. Bozkatu, eta ikusi emaitzak.
Egun gutxi falta dira Kataluniaren burujabetzari buruzko galdeketarako. Bi dira han galderak: "Nahi duzu Katalunia Estatu bihurtzea?" eta "Baiezkoan bazaude, nahi duzu Estatu hori independentea izatea?". Hiru egoera posible irudikatzen ditu Katalunian galdeketak. Ikusteko dago, ordea, kataluniarrek bozkatu ahal izango duten.
Espainiako Gobernuak ostiralean helegitea jarri zuen Auzitegi Konstituzionalean kontsultaren aurka, eta litekeena da horrek bihar erabaki bat hartzea: debekatzea edo baimentzea. Kataluniako prozesu subiranistari buruko artikulu bildumak BERRIAn gai horren inguruan argitaratutakoak biltzen ditu. Aste erabakigarri hau jarraitzeko bloga ere sortu du.
