Nekane Perez beratarra, zinegotzi ohia eta nafar parlamentari ohia, aukeratu dute Aralarreko Nafarroako afiliatuek koordinatzaile, Iruñeko Condestable jauregian egin den VII. Konferentzia politikoan.
Perezek nabarmendu duenez, “etorkizuneko erronka da Nafarroan aldaketa finkatzea. Abiatu berria den aldaketa honetan sakondu behar dugu, antzinatik bizi ditugun bazterkeria eta lagunkeria garaiak itzul ez daitezen”.
Konferentziaren hasieran, Xabi Lasa orain arteko koordinatzaileak ideologia eta militantziaren beharra eta garrantzia azpimarratu du,“beste indar politiko batzuek esaten dutenaren kontra”. Aralarrek ekosozialismoaren alde egitea erabaki zuela ekarri du gogora. “Sistema kapitalista hau aldatzeko itxaropena galdu ez dugulako, justizia bilatzen dugu eta horregatik ekosozialismoa bultzatzen segituko dugu”. Lasak nabarmendu duenez, “independentistak gara, guk independentziaren alde egingo dugu, beti ere bide baketsu eta politikoak erabiliz”.
Aralar Nafarroako Zuzendaritza Berria
Nekane Perez
Ana Barrena
Mariano Layos
Carlos Arellano
Maite Iturre
Joseba Jimenez
Myriam Gomez
Juan Pablo Eslava
Consuelo de Goñi
Mikel Egozkue
