Basterretxearen irudiaz gain, ekitaldiaren leloa ere aurkeztu dute gaur: [email protected] izango dute goiburu, teknologia berriei keinu eginez.
Nafarroako Ikastolen Elkarteko eta Lizarrako Ikastolako arduradunek azaldu dutenez, 0-3 urte arteko haurrentzako eskola berria eraiki nahi dute aurtego Nafarroa Oinezen bidez jasoko duten diruarekin, eta, halaber, une honetan beharrezko dituzten biltegia eta igogailua.
Oraindik hilabete asko falta dira Nafarroa Oinezen eguna iristeko, baina Lizarrako Ikastolakoak hasi dira jada ekitaldiak antolatzen. Ostiral honetan bertan, hilaren 12an, Oskorrik kontzertua emango du Lizarrako kiroldegian disko berriko kantuak aurkezteko.Era berean, materiala salgai dute dagoeneko Lizarrako ikastolakoek: Iruñean, Yanguas eta Miranda kalean karpa bat jarri dute salmentarako, eta Lizarran, berriz, hiri erdialdean jarri dute denda.
Ikastolak
Nestor Basterretxeak egin du aurtengo Nafarroa Oinez iragarriko duen irudia
Nestor Basterretxea (Bermeo, 1924) eskultore eta margolariak egin du aurtengo Nafarroa Oinez iragarri eta ezagutaraziko duen irudia. Lurrean ondo sustraituta, baina, era berean, airera zabaltzen den arbolaren formak atzeman daitezke irudian; hots, Nafarroa Oinez antolatuko duen Lizarrako Ikastolaren ispilua: Lizarrako lurrean eta gizartean ongi errotutako proiektua, baina, era berean, etorkizunera zabalik dagoena. Urriaren 17an egingo dute jaia. Jakina, Lizarran.
Iruzkinak
Ez dago iruzkinik
Ordenatu
