«Neurrigabeko indarkeria bulegoetan diseinatzen da»

LAB sindikatuak salatu duenez, «neurrigabeko indarkeria erabiltzea bulegoetan diseinatzen den herritarren aurkako errepresio estrategia da». Horregatik, erantzukizun guztiak argitzeko eskatu du, baita Rodolfo Ares Eusko Jaurlaritzako Herrizaingo sailburuaren dimisioa ere: «Haren jokabidea errealitateari buelta ematea eta erasoak kriminalizatzea izan da agintaldi osoan».ELAren iritziz ere,«hain ekinbide larriaren» erantzule politikoak dimisioa aurkeztu behar du. «Bestela, kargutik kendu egin behar dute».Gertaerak, eredu polizialaren inguruan hausnarketa sakona eragin behar lukeela uste du ELAk. Bi sindikatuek bat egin dute Cabacasen senideen eta ingurukoen saminarekin.