Onartu dituzte 758 milioi euro pasatxoko aurrekontuak —iaz baino %3 diru gehiago—. Bilduk eta Aralarrek bat egin dute, eta EAJk abstentzioaren alde egin du. PSE-EEk eta PPk, berriz, kontra egin dute.
Hirugarren aurrekontuak dira Bilduk Gipuzkoako Diputazioan aurrera atera dituenak, oraingoan ere, EAJren abstentzioari esker. 15 milioi euroko poltsa bat hitzartu dute bi alderdien artean ekonomia sustatzeko. 2012ko aurrekontuetan azken uneko akordioa lortu zuen EAJrekin, abstentzioaren truke; 2013an EAJren eta PSE-EEren abstentzioei esker atera zituen, eta oraingoan EAJren abstentzioarekin.
