Oñartxon lixibiatuak tratatzeko neurriak eskatu ditu Jaurlaritzak

AZKOITIA. Eusko Jaurlaritzako Ingurumen Sailak bost egun eman dizkio Hierros Egino enpresari, Azkoitiako Oñartxoko zabortegian (Gipuzkoa) tratatu gabeko lixibiaturik isuriko ez dutela ziurtatzeko. Isuriak saihesteko hartuko dituen neurriak jakinarazi beharko ditu enpresak epe horretan. Ez badu horrela egiten, Jaurlaritzak esku hartuko du, eta enpresak pagatuko ditu gastuak.