Bilbon meskitak eraikitzeko baimenik ez du emango oraingoz udalak. Horiek arautzeko ordenantza bat egin arte eskariak geldituta geratuko direla jakinarazi du Ricardo Barkalak, Bilboko Hirigintza zinegotziak. Gaia aztertzen ari direla esan du, eta hirigintza plana aldatzea proposatuko diotela udalbatzari, gero ordenantza bat egin ahal izateko. Barkalak esan du herritarren artean «kezka» zabaldu dutela meskitak zabaltzeko asmoak, eta arautu beharra dagoela nabarmendu du. Bi meskita eraikitzeko baimenak eskatuak dituzte jadanik.
Oposizioko alderdiek kezka azaldu dute erabakiari buruz. PPk babestu du erabakia. Izatez, hark zuen eskatua ordenantza bat, herritarrekin «gatazkak» saihestuko direlakoan hala.
Ordenantza bat egin arte, meskitak jartzeko eskariei ez diete erantzungo Bilbon
Iruzkinak
Ez dago iruzkinik
Ordenatu
