Ertzaintzak 49 urteko gizonezko bat atxilotu zuen atzo arratsaldean Ordizian (Gipuzkoa), ustez bikotekide ohiari jotzeagatik. Gizonari urruntze agindua bete ez izana ere egozten diote, Eusko Jaurlaritzako Herrizaingo Sailak gaur azaldu duenez.
Ustezko erasoa 18:00 aldera gertatu zen. Iturri beraren arabera, emakumezkoa bikotekide ohiaren etxera joan zen, gizonak seme-alabekin herrialdetik irteteko beharrezkoak zituen hainbat dokumentu betetzera. Ustezko biktimaren arabera, bikotekide ohiak iletik tira zion, eta salatu du eraso egin ziola etxetik irtetea lortu ondoren ere.
Emakumea larrialdi zerbitzuetara deitzen saiatu zen, baina gizonak sakelako telefonoa puskatu zion. Hainbat lekukok eman zieten abisua ertzainei, eta han bertan atzeman zuten.
