Iberdrolako sarean izandako matxura baten ondorioz, ordu erdiz argindarrik gabe egon dira Gasteiz erdialdean. Gutxi gorabehera, lau mila bezerori eragin die etenak.
11:15etatik 11:45 izan dira argindarrik gabe, etxebizitzetan ez ezik, denda, taberna eta zenbait erakundetan, hala nola, Gobernu Zibilean eta udaletxean. Hain zuzen ere, udalbatzarraren osoko bilkura bertan behera utzi behar izan dute etenagatik.
Iberdrolako iturriek agertu dute oraindik ez dakitela matxura zerk eragin duen. Bi aukera ari dira aztertzen: lurpeko hariren bt hondatuta egotea, edo une batean sareak gain karga izatea.
Ordu erdiz argindarrik gabe izan dira Gasteizko lau mila bat etxetan
Besteak beste, udaletxean nozitu dute etena, eta udalbatzarraren osoko bilkura eten behar izan dute.
Iruzkinak
Ez dago iruzkinik
Ordenatu
