Euskobarometroaren emaitzen inguruan mintzatu da Andoni Ortuzar EAJko presidentea Ser irrati katean. Ikerketa taldearen arabera, EAJk bi ordezkari gehiago izango lituzke Eusko Legebiltzarrean hauteskundeak orain eginez gero, eta pozik azaldu da datuarekin Ortuzar.
Nabarmendu duenez, "gaur egun, Europako gobernu batek ere ez du emaitza onik". Hori horrela, Euskobarometroaren emaitzetatik Ortuzarrek ondorioztatu du herritarrak Eusko Jaurlaritzaren lana "ulertzen" ari direla, eta gaineratu du hori ez dela "erraza".
