Eusko Jaurlaritzako Osasun Sailak eta Osakidetzak baheketa bat egingo dute Lazkaon (Gipuzkoa) aste honetan. 19 eta 59 urte bitarteko herritarrei eskatu diete har dezatela bihar, hilak 24, PCR proba bat egiteko ordua Lazkaoko osasun zentrora deituta, 943-80 55 60 telefonora.
Probak ostegunean eta ostiralean egingo dituzte, kiroldegian, 15:00etan hasi eta 20:00ak arte. Emaitza guztiak SMS bidez bidaliko dizkiete.
Osasun Sailak eta Osakidetzak ohar batean oroitarazi dute, halaber, gaitzaren sintomak dituzten pertsonak etxean gelditu behar direla, bakarturik. Izan ere, horiek zuzenean jarri beharko dute harremanetan osasun etxearekin, eta ez dute baheketan parte hartuko. COVID-19aren sintomatzat hartzen dira sukarra, eztula, eztarriko mina, arnasteko zailtasuna eta usaimenaren galera.
