Hondeatzeko makinako langile bati kamioi bat gainera erori zaio gaur 8:45ean Igantzin (Nafarroa) eta oso larri dago, Nafarroako Gobernuak jakinarazi duenez. Kamioia Iruñea-Behobia N-121-A errepidetik irten ondoren 30 metro behera erori da eta hondeatzeko makina zapaldu du. Barruan zegoen behargina.
Suhiltzaileek langilea erreskatu dute. Segituan Iruñeko erietxe batera eraman dute, helikopteroan. Kamioiko gidaria, berriz, Irungo (Gipuzkoa) erietxera eraman dute, baina ez ditu zauri larriak.
Istripua dela-eta, bi kilometroko trafiko ilara dago han oraindik (10:30).
Añorben (Nafarroa) ere izan da lan istripua. 42 urteko gizonezko bati garabi batetik pieza erori zaio burura, 8:53 zirela, eta kolpe handia hartu du. Larri dago.
Gizartea
Oso larri dago langile bat, Igantzin kamioi bat gainera erori ondoren
Igantzin izan da ezbeharra. Hondeatzeko makina baten barruan zegoen behargina. Trafiko ilara handia sortu da.
Iruzkinak
Ez dago iruzkinik
Ordenatu
