Ostiralean estreinatuko dute Eskola Txikietako Gurasoen Koordinakundeak sortu duen Eskola bizia, herri bizia dokumentala. Tolosan (Gipuzkoa) izango da estreinaldia, Leidor zinema aretoan, 19:00etan. Igandean ere ikusi ahal izango da lana Larraulen, eskola txikien festan, 11:00etan eta 16:00etan. Trailerra ikusgai, hemen.
Dokumental horrek 8 eta 11 urte bitarteko ikastalde baten hiru hilabeteko jarraipena egiten du. Bertan, Gipuzkoako hainbat herri eta auzotako irakasle, guraso eta udal ordezkarien bizipen, amets eta gogoetak jasotzen dira.
Gipuzkoako eskola txikien festak 25 urte bete ditu aurten, eta hori dela eta, hainbat berezitasun prestatu dituzte.
Urtero moduan guraso elkarteak antolatu du jaia; hala ere, aurtengo helburua festa "eskola txikien oinarri diren" hiru eragileen isla izatea nahi dute. Horregatik, protagonistak gurasoak, irakasleak eta udalak izango direla azaldu dute.
Egitarauari dagokionean, askotariko jarduerak prestatu dituzte, 10:00etatik aurrera: pailazoak, haurrentzako jokoak, erakusketak eta musika izango dira, besteak beste. Festarako bertso bat ere sortu dute aurten.
