OTSAILEKO MOBILIZAZIOAK AZTERTZEN

Bilboko Metroan protestan ari diren sindikatuek elkarretaratzea egin zuten atzo Bizkaiko Foru Aldundiaren jauregi aurrean. Bertan, ahaldun nagusi Jose Luis Bilbaorekin eta Garraio diputatu Itziar Garamendirekin solasaldi informala izan zuten; eta hurrengo egunetan bilera egiteko aukera ireki dute, datarik zehaztu gabe. Metroko langile batzordea gaur bilduko da urtarrileko mobilizazioekin jarraitu ala ez ebazteko eta otsailean egin ditzaketenen inguruko iritziak jasotzeko.