Birusaren transmisioari buruzko datuek agerian uzten dutenez, kutsatzeen goraldia nabarmena da Otxandion (Bizkaia): azken hamalau egunetan 100.000 biztanleko 3.026 pertsonari atzeman diete COVID-19a. Ohar baten bidez, herrian baheketa bat egin dadila eskatu dio udalak Eusko Jaurlaritzako Osasun Sailari.
Otxandioko Udalak azaldu duenez, ez da Osasun Sailari neurriak hartzeko galdegiten dioten estreinako aldia. Kutsatzea Aste Santua igaro eta hamabost egunera hasi zen larriagotzen, «kontrolik gabe». Ordutik, gaur argitaratutako oharra barne, udalak beste hirutan eskatu dio Jaurlaritzari neurriak ezartzeko eta «egoera sakonki aztertzeko».
